Browse By

Poesie di Alfredo Ciannameo

1 like [ssba]

Scjàmme scjàmme

“Attannùte i kardùne…

…Kardùne attannùte…”

Nenne’ere ‘a voce de nu crestijane,

tampòke quelle de nu lupanàre

che, a sere annòtte,p’tutte na vernate

dind’e viche e strade, sendive de ‘ndrunà!

kjù che nu lùcchele, nu laminde ere,

ca poche e spisse te straziàve ‘u core,

quanne u cile apìrte, acque jettàve,

o a neve te ‘nzerràve ca’jjelàte

e a voria fredde, a facce te tagghjàve.

Da n’ome asceve stu cante lamentùse

p’venne a’ggente quatte Kardùne frisckje

accùvete a matìne dind’a n’urte.

‘A faccia suje nenn’a canuscjve

pa’varva nere ‘mmesckjàte ca’ scurie,

pu’fonge ‘ngape ‘nzaccàte fin’e recchie,

dint’a nu pastràne arravugghjàte!

“Kardùne attannùte…

…Kardùne janghe e tìnere…”

Stu lùcchele u sanghe me jelave!

Nu lùcchele de ragge me parève

o de gastème p’na sorte ‘ngrate

che, a isse, sope a terra, era tuccàte!

‘A vita suje niscjùne a canuscève!

‘U curpe suje, segnalàte ere

de na brutta guerre ind’a trencèje,

avenne, pu’valore, na meraglia!

Era nu lùcchele de nu pover’ome,

che aveva date, senza maje receve!

Era nu lùcchele de nu sventuràte

povere a denare, ma ricche de buntà!

“Kardùne attannùte…

…attannùte i kardùne…!

Stu lùcchele ca vene dind’e recchie

quanne e’notte e attùrne tutte dorme,

ije, ‘ngile, u sende ancòre de ‘ndrunà!

Nenn’ere nè de ragge o de gastème,

ere ‘u laminte de nu galant’ome

ck’na vite de stinte e senza dramme:

… ere ‘u lùcchele de Scjàmme Scjàmme!

__________

‘U  CAPETONE 

« Cifele e capetòne

Auanne ce magnàme ‘u strijone»

« ‘U capetone salàte salàte

Eje pi mònache sventuràte »

 

Ogn’anne, sott’a Natale

all’albe da jurnàte

sti bèlle returnèlle

sentève de catà.

A tutte ‘ind’o core

scennève na prijezze

penzanne e grossa fèste

ca’ avev’arruà.

Chiuvève o nevecàve

‘u capitone se cantàve,

tante da sentirle

p’tutt’i viche e ‘i strade

aprènne n’ate jurne

de fatiche e stinde,

sciuppànne da ‘mbitte

ogne turminde.

Anziane me sò fatte,

sti bèlle returnèlle

inde rècchje i tènghe;

ije stèsse so ca ‘i cante,

ije stèsse so ca ‘i sente,

pecchè niscjune ckijù

se mette o pizz’i strade

p’fa stu bèlle cante

a fine da nuttàte.

Anziùse aspètte sèmbe

ca vènene sti jurne,

cke tanta gioje

a fine da nuttàte

sperànne d’avezàrme,

cuntènde cum’e tanne,

quanne cuntàve i jurne

pa fèste de Natale.

O’poste de stu cante,

mò sente nu  motore

ca me duscète proprije

da nu sunne d’ore

ma senza ckijù ‘a prijezze

ind’a stu core stanghe,

chine fin’e sope

soltante de trestèzze!

(tratta dal libro “ Pinzire… e nustalgije” anno 1978)

__________

‘A  CAVEZETTE  DE  L’ANEM’I  MURTE 

Quann’ere a fèste ‘i murte, tant’anne fa

Pi’ strade, sta frase sentive cantà:

 

« A cavezètte de l’aneme’i murte

frisck’a l’aneme de chi t’emmurte »

 

e tutt’i crijature e uagliungille

ck’i cavezètte ‘mmane cume e pazziarille.

A sèra prima da jurnàte i murte

a calata de l’ore me jève a curcà

pensanne e murte mije senza chijù delòre

pecchè sop’a sta tèrra avevane turnà.

Pi crijature pòvere ind’a stu jurne,

ce stesene frutte culuràte e belle:

sòrvele e nèspole, castàgne e fiche-sècche,

grànate, nuce, chetògne e fainèlle;

tutte sta gràscje i crijature avèvane

ind’a cavezètte  che i murte purtàvene.

De nata specie stèvene i cavezètte

Pi crijature ricche: erene de merlètte,

chijene fin’e sope de cumbitte e pastarèlle.

Sta bèlle tradezione sèmbe s’è tènute

e mò ce stace ancore, pecchè non’è fenute.

Mò, figghie pìccule nen’tènghe chijù,

ma si me vogghie arrucurdà

di timpe dell’assaje de tant’anne fa

apre nu terètte e trove sotta sotte

doje bèlle cavezètte fatte de merlètte.

‘I  pigghie ‘mmane, ‘i guarde e me rèvolge a Dije

e ‘i jurne pe cambà ck’u core vularrije

pecchè sta tradezione pùtesse repegghià

ck’i neputine bèlle, che sti figghie mije

nu pròsseme dumàne, m’avrinna regalà.

(tratta dal libro “ Pinzire… e nustalgije” anno 1978)