Browse By

Poesie di Gianni Ruggiero

0 like
CONDIVIDIShare on FacebookShare on Google+Tweet about this on TwitterShare on LinkedIn

____________________

Poesia dedicata alla festa dell’Immacolata e recitata da Giovanni Mancini

____________________

I Vicchie

             

Arrìve l’età

che l’òme

mette i capille janghe

e allore

addevende de n’ata razze

eje cumme a ‘na piante

che cacce i fìure.

E sott’abbracce

migghiere e marìte

vanne anzime

e isse eje ‘a guide

Ma i fìure

se sàpe

dùrene poche

e cumm’è venute

‘sta bella staggione

accussì se ne vace

senza sende raggione.

 

E mò tu ‘u vìde

che a ogn’e passe rallente.

Mò eje ‘a  spose che guide

e addevende stambelle

e i parle chiàne

pe’ nen farle offende

pe’ nenn’u fa sende tradìte

pecchè ‘a vicchiaje

l’ha lassete ferite.

 

E i vicchie addevendene criature

E l’ummene giùvene

E i giùvene addevendane vicchie

E i uagliune vonne fà l’ùmene

sule  i criature so’ sembe ‘i stesse.

(tratta dal libro “Me Giuà accunde accunde”)

____________________

Salvanne l’Urije da’ case 

Da nuje è usanze

ca quanne

ind’a ‘na càse

nen fenzione ‘na còse

‘a triteche se face

ma pe’  bbona crianze

sembe ce mette ‘nnande

sta bella frase

“salvanne l’Urije da’ case”

 

Puje tretecà

cumme te pare e piace

quanne staje fòre, lundane

Ma se ‘u zingriaminde

te scappe ind’e quatte murè

èmbè, fatte capace

sembe l’e dìce:

“ salvanne l’Urije da’ case”

 

‘U puje  dìce,

“salvanne l’Urije da’ case”

che quanne  chiòve

‘sta case s’allàghe

 

‘U puje dìce,

“salvanne l’Urije da’ case”

Che eje già assaje che nen scuffuleje

‘stu suttane quanne trase

 

L’Urije eje ‘nu spìrite

che porte fertune e prutegge

ma se nenn’ì purte respette

quanne staje ind’ò litte

te face i d’spitte.

Ma se nen l’è fatte manga l’affette,

puje dorme sembe a sùnne chiene,

una terete,

fine  ‘a matìne.

( tratta dal libro Me Mìise l’ucchie ‘ngulle)

____________________

Sisine

Vanne decenne

Che so’ zinghere

Ma eje ‘na buscije

Chè quanne une dice a veretà

Chissà pecchè

Se sendene tutte de pungecà

Vanne decenne che stacke

Sembe arrete e lastre

Spije e guarde

A tutt’a ggende che passe

E che agghia fa

So’ fatta vecchie

I jurnate cumme l’agghia passà

Ajre per esembie

Vedije  a figghie d’Assundine

(quelle ku cule a manduline)

Se guardave turne turne

E po,  ind’a na  vutata d’ucchie

Se feccaje ind’o suttane de Sandrine.

Mo secondo vuje se u vacke decenne

Eje nu zegriaminde?

Ma se ije l’agghie viste

U fatte eje

che quanne une tene a numenate

va, vacciu live d’a cape.

E po micke so’ sole ije

Tenghe a nu pare de cumbagne

Che  m’accondene sembe tanda fatte

Eje gende aggarbate

Ce canuscime da tand’anne

Buscije nenne vanne accundanne

Cum�e quanne succedije u fatte de Mariette

Che se ne fujije ku Tatonne u varvire

Ije u sapeve che facevene a more

E ciu decije pure a mamme

Ma pe tutta resposte

Me decije che m’aveva fa i fatta mije

Che ije teneve a lenghe troppa longhe

E che aveva esse chiù devote a Ddije

Me mo ben gli sta

Sa crescesse pure esse sta panze.

Che munne, che munne

Vaje p’avè e remane sembe da dà.

____________________

A Chiazzette Coperte

Madonne e chi è stàte!
E chi l’ha pruggiuttàte
‘sta masse de firre gelàte…

E i fruttajule, i pisciajule, i scamurzare
Pecchè nen s’hanne fatte a sende
Peccè hanne fatte sòle ‘a faccia àmare

Ma vuje v’a recurdàte
‘a Chiazzetta Coperte?
L’hann’accise!

‘na curtellate ritte ind’o còre

e l’hanne spupulàte,
e l’hanne svacandàte,
e l’hanne ammupìte.

E pe’ chessò?

Pe’ ce mette ‘na stazione deserte
‘ndò ‘nge passe manghe ‘u trène.

____________________

‘U presepije

Quist’anne me sò mìse ‘ngape

che vogghie fa ‘u Presepije

e già sacce cumm’ada esse

e ‘ndo l’agghia mette.

Mo’ tu l’e ‘mmaggènà

mìse ind’a ‘na stanze:

tutte ‘i luce stutate

che quanne tràse

baste che aggire ‘a cape

e vìde ‘u munne andìche

‘ndo Gesù eje nàte.

‘A grotte adda stà ‘o cendre,

sòle accussì po’ se capisce

de chi eje ‘a festa.

E pe’ sòpe ‘na mundagne erta

che arrive fine e ‘ngile

‘nu cìle tutt’azzurre

che pare fatte jurne

che se chiude l’ucchie

e allunghe ‘i mane

già puje tuccà i stelle.

Po’ ascennenne ‘è làte

‘i prime casarelle

duje albere qua e là e tanda nève ‘nderre.

Ascennenne angore

‘i prìme fegurelle.

Scarpare e falegname

a ccùste de’ puteghe

‘u prime batte ‘i sòle

quill’ate sgrosse e pialle

‘i fanne a ninna nanne

‘o bambinille belle

che dorme là, ind’a na stalle.

Atturne ‘a fundanelle

‘na cocchie de galline,

‘u purche e ‘a paparelle,

‘na vecchia cuntadine

cu ‘na saròla ‘nzine,

‘u nannarille e a nannarelle

e tu guardele bbune,

a une a une ‘mbacce

t’accurge che so’ belle

so’ allegre, so’ serene

pecchè mo’ sò poche òre

che eje nàte ‘u Salvatore.

E pe’nnanze ‘a grotte

pasture e pecurelle,

‘che fanne n’arche

atturne ‘a grotte de Betlemme

E po’ guardanne ‘o late

se vède da lundane

tre Re stanne arruvanne

Gaspare, Melchiorre e Baldassarre.

E prtene i regale

‘ncinnze, mirre e òre

Pe Gesù, nostro Signore.

Me mette da lundane

e guarde tutt’a scene

qualcosa nen me trase

me pare tale e quale

a quille che faceve

‘a bonaneme d’u nonne

U vedè che l’agghie cupijate

ma senza farle apposte

pecchè ind’o cervelle

ije ‘u teneve stepate?

‘na vòte

quanne nen tenemme ninde

quest’ere ‘a vera festa

‘a grotte, ‘u bambenille

e sòpe a’ tavole

cartellate, cavezungille

e menèle atterrete.

____________________

A Madonne i Sette Vele

Quanne vène a primmavere

e u virne mòre

se duscetene i giardine a une a une;

tu a canusce l’arije de stu pajese

nennn’a tene nisciune.

E probbie quanne vene sta staggione,

pe bbune augurije e pa fertune

a Madonne i Sette Vele apre i fiste.

A quareseme accumenzate

sfìle pi strate tutt’addubbate

Pe ogne vije che passe

Na folle de ggende;

balcune e fenestre

chi cuerte chiù belle.

Da quanne l’hanne truwate sta Tavele Sande

a ggente de Fogge l’ha scelte pe mamme

e ddoje vòte a l’anne s’ha porte p’i strade.

Pringepe, Re, na folle de Sande

onore e devozzijone t’hanne sembe purtate;

atturne a te nuje simme nàte, mo so’ mill’anne.

Pi bezzoke eje timbe de grasce

‘a sanne tutte a memorije:

e sanne a Madonne a che ore che esce

e sanne i cungreje cumme portene a veste

e pure de quella vote che jeve de presce.

Accundave nanonne:

“Se tu c’ crìde, se sì crestijane aggarbate,

a puje vedè che s’affàcce

fore i sette panne;

a tand’anne arrete, ìje l’agghjie viste

sta Madonne belle

e Esse ce guarde…ajute a tutte quande”.