‘U mercate d’u vénérdì

Stace a rocchje a rocchje ‘a génde p’accatta’
quacche robbe o mercate d’u vénérdì:
pe pute’ scéglie bune, pe sparagna’,
‘a matine priste priste s ‘hadda jì.

Truve bangarélle, tanda ‘mbrellune,
chi vénne panne, scarpe, piatte, lacce,
robbe amerecane, maglie, bettune:
tutte luccheléjene cume é pacce.

Mminze a folle vide ‘u desuccupate,
‘a sérve ck’a segnore, ck’a zetélle,
quacche pechescine, i penziunate,

e ‘nzime ck’i uagliune e fegghjuléllé,
nen manghene mariule brevettate,
ché ‘nd’o vutta vutte fanne i bélle.

 ____________________

Santi Gugliélme e Pellegrine

Gugliélme e Pellegrine gerarene
‘u munne sane prime de ‘ngundrarse,
se fermarene a Fogge pe’ repusarse;
Chijse cke Sanduarije vesetarene.

‘U patre d’a case s’allundanaje
pe vede’ da vecine ‘a Palestine,
‘u figghje, cum’é nu cane mastine
jève apprisse sénza stangarse maje.

 Probbete a Fogge s’èrene truvate,

dope tand’ anne che se cercarene
e felice murirene abbrazzate;

sole sole’ i cambane sunarene,
po’ sande e prutetture numenate:
frustire cum’ é loro aiutarene

 ____________________

‘U sole de Fogge

‘Eje proprie bélle ‘u sole fuggiane,
isse dace calore avéraménde,
‘u fridde te face passa’ de ménde,
te pitte d’ore tutte quande ‘u grane.

De virne ‘a vécchie se métte a sferétte,
pecché de scalfarse ‘u besugne sénde,
‘u sole face sta’ felice ‘a génde,
ché ‘u timbe seréne sémbe aspétte.

D’éstate t’arroste, t’avvambe assaje,
quacche vote te sturdelisce pure;
pérò, se tu da Fogge te ne vaje,

stu’ sole cucénde ché mure mure
te face cammena’, ‘nn’u scurde maje,
pecchè te sape sana’ sénza cure