A  S. E.  UMBERTO GIORDANO Accademico d’Italia 

Figghie cchiù ccare, fighhie mije bbelle,

tu te ne jisse angore crijature;

Sapive ca chiagneve ‘a mammarelle,

ma d’ ‘u dumane tuje ira secure.

 

Quanda camine e fatte ind’a ttand’anne

E quand’onore e strinde ind’a na mane,

senza superbie e ssenza ji mustranne

l’arta tuje, ca tu guarde da lundane.

 

N’e canesciute, si, de jurn’amare

Ma sop’ ‘a stata tuje e camenete

Senza rangore,  figghie mije care.

 

C’ ‘a scritta d’ore ‘u nome tuje rumane,

de grand’artiste, sembe respettate,

da jire, d’ogge e sembe de dumane.

(tratta dal libro “ Poesie dialettali foggiane” anno 1938)

____________________

 

A  TATONNE ‘U  CECATE

Vaje sembe sule, d’ ‘a matine ‘a sere,

sott’ ‘a ggiacchette purte ‘u mandulline

e mmane nu bbastone nere nere

ca dinne quand’ è crute nu destine.

 

Nu jurne l’ucchie tuje hanne guardate

‘a facce de sta terre e ‘u bbelle sole;

ma se so cchiuse po’, se so ‘nzerrate:

ne vularrinne dice de parole.

 

Tu quanne sune sckitte tanne ije sende

Tutt’ ‘u delore tuje da vicine;

te tremeleje ‘a mane, e ije tenghe mende:

 

penz’ ‘a ‘u destine tuje ca nen ze cagne.

Sott’acque e ssott’ a vvinde tu camine….

Cume te vete ‘u core mije me chiagne.

(tratta dal libro “ Poesie dialettali foggiane” anno 1938)

____________________

A ‘U  DUCE

L’Italia nostre mo camine dritte ;

glorie e ssalute a tte Duce pudende.

Da Criste tu si state beneditte,

pure ‘u cecate vete e ‘u surde sende.

 

Mo nen ge stanne cchiù lotte e ppartite ,

mo stace na coscienze ùneche e ssole;

pure chi stev’ addrete l’à ccapite

ca mo pàrlene i fatte e nno i parole!

 

‘U core nustre tu te l’e pigghiate,

pecchè  tu c’e purtate ‘a pacia vere ;

sckitte pe tte l’Italie e respettate.

 

Mo nasce ‘u crijature ggià ffasciste

Ca prime ca s’addorme tutt’i sere,

preghe pe tte pecchè te salve Criste.

(tratta dal libro “ Poesie dialettali foggiane” anno 1938)